ភ្នំពេញ៖ នារសៀលថ្ងៃទី២៨ ខែកញ្ញា ឆ្នាំ២០១៩ លោក ណាសៀត អូស្មាន ប្រធានសមាគមសម្ព័ន្ធយុវជនមុស្លិមកម្ពុជា (CMYA) ព្រមទាំងសមាជិកសមាជិការ បានអញ្ជេីញសាកសួរសុខទុក្ខ និងពាំនាំនូវអំណោយគ្រឿងឧបភោគបរិភោគ និងថវិកាមួយចំនួន ចែកជូនដល់ជនរងគ្រោះដោយអគ្គីភ័យកាលពីថ្ងៃទី១៧ ខែកញ្ញា ឆ្នាំ២០១៩ នៅទីតាំង ភូមិឃ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។ អំណោយខាងលេីនេះទទួលបានពីសប្បុរសជននានា តាមរយៈការអំពាវនាវរបស់ CMYA។
តាមសេចក្តីរាយការណ៍របស់អជ្ញាធរបានអោយដឹងថា អគ្គីភ័យខាងលេីបង្កឲ្យខូចខាតអស់ផ្ទះចំនួន១៤ខ្នង ស្មើនឹង ២៤គ្រួសារ ក្នុងនោះផ្ទះដែលឆេះទាំងស្រុងមានចំនួន០៦ខ្នង និង ០៨ខ្នងទៀតរងការខូចខាតធ្ងន់ធ្ងរ ខណៈក្មេងប្រុសអាយុ ១២ឆ្នាំម្នាក់បានស្លាប់ និងបុរសជាឪពុករងរបួសធ្ងន់។
គួររំលឹកថានេះគឺជាលេីកទី២ហេីយដែលលោក ណាសៀត អូស្មាន បានដឹកនាំសមាជិកសមាជិកា អញ្ជេីញសួរសុខទុក្ខ និងនាំយកអំណោយប្រគល់ជូនជនរងគ្រោះទាំង ២៤គ្រួសារខាងលេី ខណៈលេីកទី១ប្រព្រឹត្តទៅកាលពីថ្ងៃទី១៨ ខែកញ្ញា ឆ្នាំ២០១៩។
